আপোনি খোৱা ঘি খাঁটি নেকি ভেজাল –

বজাৰত বহুত ঘি ভেজাল মিহলাই বিক্ৰী কৰা হয় (যেনে বনস্পতি, পাম তেল, অন্যান্য তেল ইত্যাদি), যিয়ে দীৰ্ঘদিনীয়াকৈ খালে স্বাস্থ্যৰ বাবে ক্ষতিকাৰক হৈ পৰিব পাৰে।

শীতকালত  ঘি টান হৈ থাকে, গতিকে পৰীক্ষা কৰাটো সহজ। কেনেকৈ পৰীক্ষা কৰিব –

ঘৰতে হাতৰ তালু, পানী, তাপ আৰু ফ্ৰিজ ব্যৱহাৰ কৰি ৪টা সহজ উপায়েৰে পৰীক্ষা কৰক।

১/ হাতৰ তালু টেষ্ট (Palm Test) – সৰ্বাধিক সহজ আৰু দ্ৰুত 
এক চামুচ ঘি হাতৰ তালুত লওক।
*খাঁটি ঘি* শৰীৰৰ উষ্ণতাত সোনকালে (কেইছেকেণ্ডমানৰ ভিতৰত) গলি যাব, পিছলি যাব আৰু সুন্দৰ গন্ধ ওলাব (দুধ বা মাখনৰ দৰে)।
*ভেজাল ঘি* গলিবলৈ সময় ল’ব বা একেবাৰে নগলিব, টান বা তেলীয়া অনুভূতি দিব।

২/ পানী টেষ্ট (Water Test)
এটা গিলাচত সাধাৰণ বা গৰম পানী লওক। এটা চামুচ ঘি তাত পেলাই দিয়ক।
*খাঁটি ঘি* পানীৰ ওপৰত ভাহি থাকিব (কাৰণ ঘিৰ ঘনত্ব কম)।
*ভেজাল ঘি* (য’ত অন্য তেল মিহলাই থাকে) তললৈ ডুবি যাব বা পানীত মিহলি যাব।
এইটোৱে তেলৰ মিশ্ৰণ চিনাক্ত কৰাত সহায় কৰে।

৩/ তাপ বা গৰম কৰা টেষ্ট (Heat Test)
এটা চামুচ ঘি পাত্ৰত লৈ মধ্যমীয়া জুইত গৰম কৰক।
*খাঁটি ঘি* সোনকালে গলি  যাব, বাদামী ৰঙৰ হ’ব, সুন্দৰ  গন্ধ ওলাব আৰু ধোঁৱা কম হ’ব।
*ভেজাল ঘি* গলিবলৈ সময় ল’ব, হালধীয়া ৰঙৰ হ’ব, ধোঁৱা বেছি হ’ব বা তীব্ৰ গন্ধ দিব।
এইটোৱে ভেজাল তেল বা বনস্পতিৰ উপস্থিতি দেখুৱায়।

৪/ ফ্ৰিজ টেষ্ট (Fridge Test) – ককনাট তেল বা অন্য তেলৰ বাবে 
এটা এটা জাৰত অলপ ঘি গলাই লওক। জাৰটো ফ্ৰিজত ৩০-৬০ মিনিট ৰাখক।
*খাঁটি ঘি* সমানভাৱে জমা হ’ব, একে ৰঙৰ আৰু একে টেক্সচাৰৰ হ’ব।
*ভেজাল ঘি* (য’ত ককনাট তেল বা অন্য তেল মিহলাই থাকে) স্তৰীয়া (layers) হৈ জমা হ’ব

ভেজাল ঘি খোৱাৰ স্বাস্থ্যৰ ক্ষতিঃ

ভেজাল ঘি (বনস্পতি, পাম তেল, স্টাৰ্চ, পশুৰ চৰ্বি, কৃত্ৰিম ৰং/গন্ধ মিহলাই) দীৰ্ঘদিনীয়াকৈ খালেঃ

• হজমৰ সমস্যা – পেটৰ বিষ, বমি, ডায়েৰিয়া, গেছ।
• হৃদৰোগৰ আশংকা বাঢ়ে
• ডায়েবেটিছ, মেদবহুলতা।
• লিভাৰৰ ক্ষতি, কিডনীৰ সমস্যা।
• কিছু ক্ষেত্ৰত কৰ্কট ৰোগৰ আশংকাও বাঢ়িব পাৰে (দীৰ্ঘম্যাদী)।
• শিশু আৰু বয়স্কৰ বাবে অধিক ক্ষতিকাৰক।

যদি সম্ভৱ হয় (Agmark/FSSAI) চিহ্ন থকা বা বিশ্বাসযোগ্য ব্ৰেণ্ডৰ ঘি কিনক, বা ঘৰতে বনোৱা ঘি ব্যৱহাৰ কৰক।