শুকান ছালৰ যতন

ডাঃ সুদীপ্তা দত্ত দাস
চৰ্মৰোগ বিশেষজ্ঞ
স্বাগত চিকিৎসালয়

আপোনাৰ ছালৰ প্ৰকাৰ কেনেকৈ চিনাক্ত কৰিব পাৰি আৰু আপোনাৰ ছাল শুকান হয় নে নাই জানিব? সাধাৰণতে শুকান ছাল হয় যেতিয়া আমি আদ্ৰৰ্তা বা হাইড্ৰেচন হেৰুৱাওঁ, ফলত ছাল হয় যিটো–
ফ্লেকি/স্কেলি
ৰঙা/ফোঁহা ওলোৱা
টানি টানি ধৰা অনুভৱ হয়
বিৰক্তিকৰ
খজুৱতি
খহটা
গুৰুতৰভাৱে ফাটি যোৱা
অধিক বলিৰেখা বা ক্ৰীজ

কাৰণ-

পৰিৱেশঃ শীতকালত ছালবোৰ ৰুক্ষ হয়৷ দীৰ্ঘদিন ধৰি এয়াৰ কণ্ডিচনাৰ ব্যৱহাৰ, দীৰ্ঘদিন ৰ’দত থকা, দীৰ্ঘদিন ধৰি গৰমৰ সংস্পৰ্শলৈ অহা, শুকান বতাহৰ সংস্পৰ্শ৷

গা ধোৱা বা ধোৱাৰ অভ্যাসঃ বেছি গৰম বা ঠাণ্ডা পানীৰে দীৰ্ঘদিন  গা ধুলে ছাল শুকাই যাব পাৰে৷ সঘনাই মুখ ধুই থাকিলে ছাল ৰুক্ষ হয় ৷ লগতে কঠোৰ চাবোন বা ক্লিনজাৰ ব্যৱহাৰ কৰিলে ছাল শুকাই যাব পাৰে৷

ছালৰ লগত নিমিলা মইশ্বৰাইজিং বা ছান প্ৰটেকচনৰ ব্যৱহাৰ কৰিলে বা ছালৰ যত্নৰ ৰুটিনৰ অভাৱত ছাল শুকান হ’ব পাৰে৷

অন্তৰ্নিহিত চিকিৎসাজনিত অৱস্থা যেনে- একজিমা বা চ’ৰিয়াচিছ, ডায়েবেটিছ, থাইৰয়ড বিকাৰ, অটোইম্যুন ৰোগ ইত্যাদি৷

ছালৰ অনুচিত সামগ্ৰীঃ শুকান ছালৰ বাবে উপযোগী নোহোৱা  সামগ্ৰী ব্যৱহাৰ কৰিলে ছালৰ অধিক ক্ষতি হ’ব পাৰে আৰু সমস্যা বৃদ্ধি পাব পাৰে৷

বয়স বৃদ্ধিঃ মানুহৰ বয়স বৃদ্ধিৰ লগে লগে ছালত স্বাভাৱিকতে হাইড্ৰেচন আৰু আদ্ৰৰ্তা কমি যায়৷

অন্যান্য কাৰণঃ পানীলগা, জেনেটিক্স, কিছুমান ঔষধ, খাদ্য আৰু টোপনিৰ অভাৱ, অভাৱ আদিৰ ফলত ছাল শুকান হ’ব পাৰে৷

শুকান ছালৰ চিকিৎসা

চিকিৎসকৰ পৰামৰ্শ আৰু ছালৰ শুকানতাৰ তীব্ৰতা আৰু কাৰণসমূহৰ মূল্যায়নৰ পৰা আৰম্ভ হয়৷ চিকিৎসকৰ পৰামৰ্শৰ পিছত তেজৰ পৰীক্ষাৰ প্ৰয়োজন হ’ব পাৰে৷

শুকান ছালৰ ব্যৱস্থাপনাঃ সঠিক পৰামৰ্শ আৰু মূল্যায়নৰ পিছত চিকিৎসকে আপোনাক উপযুক্ত মইশ্বৰাইজাৰৰ পৰামৰ্শ দিব৷ উত্তম মইশ্বৰাইজাৰত তিনিওবিধ উপাদান (ইমোলিয়েণ্ট, হিউমেক্টেণ্ট আৰু অক্লুছিভ এজেণ্ট) থাকিব লাগে৷ মইশ্বৰাইজাৰটো পৰামৰ্শ অনুসৰি সঘনাই আৰু পৰ্যাপ্ত পৰিমাণে প্ৰয়োগ কৰিব লাগে৷ প্ৰতি ২-৩ ঘণ্টাৰ মূৰে মূৰে পুনৰ প্ৰয়োগ কৰি ছানস্ক্ৰীন নিয়মিত ব্যৱহাৰ কৰাটো বাঞ্ছনীয়৷ পানী আৰু তৰল পদাৰ্থৰে হাইড্ৰেটেড হৈ থকা৷ আমি দীঘলীয়া সময় গা ধুই একেটাৰ বাবে অত্যধিক গৰম বা ঠাণ্ডা পানী ব্যৱহাৰ কৰাৰ পৰা বিৰত থকা উচিত৷ নন ড্ৰাইং ক্লিনজাৰ ব্যৱহাৰ কৰিব লাগে [ভিটামিন ই, হাইলুৰনিক এচিড, চেটাইল এলকহল বা ষ্টেয়াৰাইল এলকহল, গ্লিচাৰিন, চেৰামাইড ইত্যাদি উপাদান থকা] প্ৰয়োজনীয় কাৰ্বহাইড্ৰেটৰ উপৰি প্ৰটিন, চৰ্বি, ভিটামিন আৰু খনিজ পদাৰ্থৰ ভাৰসাম্য থকা সঠিক খাদ্য গ্ৰহণ কৰিব লাগে৷ ভিটামিন বি কমপ্লেক্স, চি, ডি, ই আৰু ওমেগা [৩, ৬ আৰু ৯] থকা এণ্টিঅক্সিডেণ্ট কেলচিয়াম, আইৰন, জিংক, চেলেনিয়াম আৰু অন্যান্য প্ৰয়োজনীয় ভিটামিন আৰু খনিজ পদাৰ্থৰ পৰামৰ্শ দিয়া হয়৷ চিকিৎসকৰ পৰমৰ্শ অনুযায়ী সঠিক নাইট ক্ৰীম ব্যৱহাৰ কৰিব৷ অৱশ্যে শুকান ছাল  চিকিৎসাযোগ্য৷ এই অৱস্থা দূৰ কৰিবলৈ সঠিক মূল্যায়ন, তদন্ত আৰু চিকিৎসা পৰিকল্পনাৰ বাবে চিকিৎসকৰ ওচৰলৈ যোৱাটো বাঞ্ছনীয়৷