নখৰ যতনঃ সৌন্দৰ্য আৰু স্বাস্থ্যৰ একেলগে যত্ন

নখৰ সঠিক যতন লোৱাটো কেৱল সৌন্দৰ্যৰে কথা নহয়, ই স্বাস্থ্যৰ বাবেও অতি প্ৰয়োজনীয়। তলত নখৰ যতন লোৱাৰ কেইটামান সহজ আৰু কাৰ্যকৰী উপায় দিয়া হ’ল:

১. পৰিষ্কাৰ-পৰিচ্ছন্নতাঃ

• নখ সদায় পৰিষ্কাৰ আৰু শুকান কৰি ৰাখিব লাগে। নখত বেছি সময় পানী লাগি থাকিলে বেক্টেৰিয়া বা ভেঁকুৰ (fungus) হোৱাৰ সম্ভাৱনা থাকে।
• নখ কাটোতে বেছি চুটি কৰিব নালাগে আৰু এটা নিৰ্দিষ্ট আকৃতি (Shape) দিয়াৰ চেষ্টা কৰিব লাগে।

২. মইশ্ব’ৰাইজাৰৰ ব্যৱহাৰঃ

• হাত ধোৱাৰ পিছত নখ আৰু ইয়াৰ কাষৰ ছালখিনিত (cuticles) ক্ৰীম বা তেল ঘঁহিব লাগে।
• নিশা শুবলৈ যোৱাৰ আগতে নাৰিকল তেল বা অলিভ অইল নখত মালিচ কৰিলে নখ মজবুত হয় আৰু উজ্জ্বলতা বাঢ়ে।

৩. অনিষ্টকৰ অভ্যাস ত্যাগ কৰক

• নখ কামুৰি থকা অভ্যাস ত্যাগ কৰক। ইয়াৰ ফলত নখৰ অনিষ্ট হোৱাৰ লগতে মুখৰ জৰিয়তে শৰীৰলৈ বীজাণু যাব পাৰে।
• নখক সঁজুলি হিচাপে ব্যৱহাৰ নকৰিব (যেনে: বটল খোলা বা কিবা টানি উলিওৱা কামত)।

৪. খাদ্যত গুৰুত্ব দিয়কঃ নখ মজবুত কৰিবলৈ ভিতৰৰ পৰা পুষ্টিৰ প্ৰয়োজন

• পৰ্যাপ্ত পৰিমাণে প্ৰ’টিন যুক্ত খাদ্য (যেনে: কণী, দাইল, মাছ) খাওক।
• কেলচিয়াম আৰু ভিটামিন-E যুক্ত খাদ্যই নখ ভাঙি যোৱা ৰোধ কৰে।
• পৰ্যাপ্ত পৰিমাণে পানী খাব লাগে।

৫. ঘৰুৱা উপায়ঃ

* নেমু টেঙা: নখৰ হালধীয়া ভাব দূৰ কৰিবলৈ নেমুৰ টুকুৰাৰে নখত ঘঁহিব পাৰে।

* কুহুমীয়া গৰম পানী: সপ্তাহত এবাৰ কুহুমীয়া গৰম পানীত অলপ নিমখ দি দহ মিনিটমান হাত দুখন ডুবাই ৰাখিব। ই নখৰ মলি আঁতৰ কৰাত সহায় কৰে।

সাৱধানতা: অত্যধিক পৰিমাণে নখ পালিশ (Nail polish) বা ৰিমুভাৰ ব্যৱহাৰ কৰিলে নখৰ স্বাভাৱিক উজ্জ্বলতা হেৰাই যাব পাৰে। গতিকে মাজে মাজে নখবোৰত একো নলগোৱাকৈ মুকলিকৈ ৰাখিব লাগে।