অনুপ্রেৰণা

জোনাকী দেৱী কাশ্যপ

 “Motivation is the state of the individual which disposes him to certain behavior for seeking goal.” -Woodworth

জীৱনত যাত্রাত সময়ে সময়ে বহুতো ধুমুহা অতিক্রম কৰিব লগা হয়৷ কেতিয়াবা মানুহ ভাগৰুৱা হৈ পৰে ধুমুহাৰ সৈতে যুঁজিবলৈ শক্তি নোহোৱা হয়৷ সেই সময়তে প্রয়োজন হয় অনুপ্রেৰণাৰ, নিজৰ হেৰোৱা মনোবল ঘূৰাই আনিবলৈ৷

আজিকালি বিভিন্ন সভা অথবা সামাজিক মাধ্যমত অনুপ্রেৰণামূলক বত্তৃণতা শুনিবলৈ পোৱা যায়৷ মানুহে বৰ আগ্রহেৰে বত্তৃণতাসমূহ আঁকোৱালি লয় আৰু ব্যক্তিগত জীৱনত তাৰ প্রয়োগ কৰিবলৈ চেষ্টা কৰে৷ বর্তমান বহুকেইজন জনপ্রিয় অনুপ্রেৰণামূলক বক্তা আছে, তেওঁলোক নিজৰ জ্ঞান বুদ্ধিৰ বাবে সন্মানৰ যোগ্য৷ কিন্তু বিশ্বৰ প্রথম অনুপ্রেৰণামূলক বক্তা কোন সেয়া নিঃসন্দেহে প্রভু শ্রীকৃষ্ণ৷ যেতিয়া কুৰুক্ষেত্র যুদ্ধ অৱশ্যম্ভাৱী হৈ উঠে তেতিয়া কৃষ্ণই পাণ্ডৱ আৰু কৌৰৱ উভয়পক্ষকেই সুযোগ দিয়ে তেওঁৰ কাষৰ পৰা সহায় হিচাপে দুটি বস্তুৰ মাজত যিকোনো এটাক নির্বাচন কৰিবলৈ৷ তেওঁ কয় যে হয় তেওঁ স্বয়ং থাকিব অথবা তেওঁৰ নাৰায়ণী সেনাক যুদ্ধৰ বাবে প্রদান কৰিব, কিন্তু তেওঁ নিজে যত থাকিব তাত তেওঁ হাতত অস্ত্র তুলি নলয়৷ পাণ্ডৱৰ পক্ষত অর্জুনে স্বয়ং কৃষক গ্রহণ কৰে আৰু কৌৰৱৰ পক্ষত দুর্যোধনে কৃষৰ নাৰায়ণী সেনাক গ্রহণ কৰে৷ কুৰুক্ষেত্র যুদ্ধৰ সময়ত কৃষ্ণই অর্জুনৰ ৰথৰ সাৰথিৰ ভূমিকা পালন কৰে কাৰণ তেওঁৰ অস্ত্র ধৰাৰ কোনো প্রয়োজন নাছিল৷ যুদ্ধক্ষেত্রত অৱতীর্ণ হৈ তৃতীয় পাণ্ডৱ অর্জুনে যেতিয়া উপলব্ধি কৰে যে যিসকল লোক তেওঁৰ প্রতিপক্ষ তেওঁলোক তেওঁৰ আত্মীয়বর্গ আৰু অত্যন্ত প্রিয়জন তেতিয়া তেওঁ যুদ্ধক লৈ দ্বিধাগ্রস্ত হৈ পৰে৷ তেওঁ সমস্ত আশা ত্যাগ কৰি তেওঁৰ ধনু গাণ্ডীৱ কান্ধৰ পৰা নমাই দিয়ে৷ তেতিয়া কৃষ্ণই অর্জুনক সেই যুদ্ধৰ প্রয়োজনীয়তা সম্বন্ধে এলানি উপদেশ দিয়ে যিসমূহ গীতা নামেৰে খ্যাত Bhagvad Gita is not a religious book but it’s a way of life. It’s a manual that all souls need to follow.— Gaur Gopal Das

জীৱনৰ ভিন্ন বয়সত অনুপ্রেৰণাৰ প্রকাৰ ভিন্ন হয়৷ ছাত্র জীৱনত পিতৃ–মাতৃ তথা শিক্ষাগুৰুসকলৰ পৰা ভালদৰে পঢ়া–শুনা কৰিবলৈ অনুপ্রেৰণা পোৱা যায়৷ ঠিক বৃত্তিগত তথা সাংসাৰিক জীৱনত সুচাৰুৰূপে আগুৱাই যাবলৈ আমি কাৰোবাৰ নহয় কাৰোবাৰ পৰা অনুপ্রাণিত হওঁ৷ অনুপ্রেৰণা কিয় জৰুৰী আহক আলোচনা কৰোঁ-

🛑 আত্মবিশ্বাস ঘূৰাই আনিবলৈ কাৰোবাৰ অনুপ্রেৰণা দৰকাৰী৷

🛑  নিজৰ কর্তব্যৰ পৰা বিচলিত নহবলৈ অনুপ্রেৰণাৰ আৱশ্যক হয়৷

🛑 অনুপ্রেৰণাই ইতিবাচক চিন্তাৰে মগজু সুস্থিৰ কৰি ৰাখে৷

🛑 অনুপ্রেৰণাই কর্মত নতুন উদ্যম আৰু সতেজতা আনে৷

🛑 নিজৰ জীৱনৰ সমস্যাবোৰ সমাধানত সহায়ক হয়৷

🛑 আমি জীৱনত অনুপ্রেৰণা কাৰ পৰা লাভ কৰো, আলোচনা কৰোঁ আহক।

🛑 অভিভাৱক তথা শিক্ষকসকলৰ পৰা প্রথম অনুপ্রেৰণা লাভ কৰোঁ৷

🛑 পিছৰ পর্যায়ত বন্ধু–বর্গ, সহকর্মীসকলৰ পৰা অনুপ্রাণিত হওঁ৷

🛑 অনুপ্রেৰণামূলক বক্তাৰ সুন্দৰ কথাৰ দ্বাৰাও আমি অনুপ্রেৰণা লাভ কৰোঁ৷

🛑 পিতৃ–মাতৃৰ পিছত আটাহতকৈ ডাঙৰ অনুপ্রেৰণাৰ উৎস হল জীৱনসংগী৷ জীৱনত যি ধুমুহাই নাহক সকলো হেলাৰঙে পাৰ হব পাৰি জীৱনসংগীয়ে হাতত হাত ধৰি থাকিলে৷

অনুপ্রেৰণা কেনেকৈ প্রদান কৰিব পাৰি

🛑 মৰমৰ অভাৱ অনুভৱ কৰিব দিব নালাগে৷

🛑 কর্তব্যৰ কথা সোঁৱৰাই দিব লাগে৷

🛑 মোৰ বিশ্বাস আছে তুমি পাৰিবা আপোনাৰ এই বাক্যশাৰীয়ে কাৰোবাক জীৱনত সফল হবলৈ নিশ্চিতভাৱে অনুপ্রাণিত কৰিব৷

🛑 কেতিয়াও অকলশৰীয়া অনুভৱ কৰিবলৈ দিব নালাগে৷

সকলোৰে জীৱনত সমস্যা থাকে, বিভিন্ন প্রকাৰৰ থাকে৷ কিন্তু জীৱন মাথোঁ এবাৰেই, জীয়াই থাকিবই লাগিব৷ আহকচোন জীৱনটো সুন্দৰ কৰোঁ কাৰোবাৰ আদর্শৰে অনুপ্রাণিত হৈ আৰু কাৰোবাক অনুপ্রেৰণা যাচি৷