হাংঝৌ এছিয়ান গেমছত ভাৰতৰ হতিহাস

যোগেশ কলিতা

এথলেটিক জগতত ভাৰতৰ নাম আকৌ এবাৰ অক্ষুণ্ণ ৰাখিলে ভাৰতীয় দলে ৷ চীনৰ হাংঝৌত অনুষ্ঠিত এছিয়ান গেমছত ভাৰতীয় দলে আশাপ্রদ ফলাফল প্রদর্শন কৰে ৷ ইতিহাসৰ সবাতোকৈ এইবাৰ শ্রেষ্ঠ প্রদর্শন ভাৰতীয় দলৰ ৷ এইবাৰৰ এছিয়ান গেমছতে ভাৰতীয় দলটোৱে প্রথমবাৰৰ বাবে শততম পদক লাভ কৰি অভিযানৰ সামৰণি মাৰে ৷ প্রত্যাশিত ফলাফলত সুখী সকলো ৷  প্রধানমন্ত্রী নৰেন্দ্র মোদীয়েও উষ্ম সম্ভাষণ জনালে পদক বিজয়ী ভাৰতীয় দলটোক ৷ কিয়নো ক্রিকেটবলিয়া দেশখনত এথলেটিক জগতত এনে অনবদ্য প্রদর্শন সকলোৰে কাম্য আছিল আৰু সেয়াই কৰি দেখুৱালে ভাৰতীয় দলটোৱে ৷

হাংঝৌ এছিয়ান গেমছত আছিল অসম সংযোগ ৷ আন্তঃৰাষ্ট্রীয় পর্যায়ত বক্সিং খেলেৰে অলিম্পিকত পদক বিজয়ী লাভলীনা বৰগোহাঁয়ো আছিল এক বিশেষ আকর্ষণ ৷ বিশ্ববাসীৰ দৃষ্টি নিবদ্ধ আছিল লাভলীনাৰ ওপৰত ৷ অসমবাসীয়ে কৰিছিল প্রার্থনা৷ হাংঝৌত স্বর্ণ জয়েৰে ইতিহাস ৰচক লাভলীনাই ৷ কিন্তু স্বর্ণ নহয়, ৰূপৰ পদকেৰে এছিয়ান গেমছ সামৰিলে লাভলীনাই ৷ তাৰ মাজতো এক ভাল খবৰ ৷ ভাল খবৰ এই কাৰণেই যে ৰূপৰ পদক বিজেতা লাভলীনাই পেৰিছ অলিম্পিক–  বাবে কোটা লাভ কৰিছে ৷ সকলোৱে আশা কৰিব পেৰিছত স্বর্ণময় হওক লাভলীনা ৷

২৩ ছে ম্বৰৰ পৰা ৮ অক্টোবৰলৈকে চীনৰ হাংঝোত অনুষ্ঠিত এছিয়ান গেমছ–  ৬৫৫জনীয়া ভাৰতীয় দল এটাই অংশগ্রহণ কৰে ৷ প্রথমে ২০২২ চনত অনুষ্ঠিত হবলগীয়া এছিয়ান গেমছৰ ১৯ সংখ্যক সংস্ক্ৰণৰ সভাখন কভিড–ৰ বাবে এবছৰ পিছুৱাই দিয়া হয় ৷ ভাৰতে এছিয়ান গেমছ ২০২৩ৰ অভিযান সমাপ্ত কৰি ১০৭টা পদক লাভ কৰে, যত ২৮টা সোণ, ৩৮টা ৰূপ আৰু ৪১টা ব্রঞ্জৰ পদক অন্তর্ভুক্ত আছে ৷ ইয়াৰ দ্বাৰা ভাৰতে ২০১৮ চনৰ জাকার্টাত লাভ কৰা পদকৰ অভিলেখ অতিক্রম কৰিলে, যত ৫৭০জনীয়া ভাৰতীয় দলে ৭০টা পদক লাভ কৰিছিল ৷ তাত ১৬টা সোণ, ২৩টা ৰূপ আৰু ৩১টা ব্রঞ্জৰ পদক আছিল ৷ হাংঝৌত মাত্র চাৰিখন দেশেই ১০০টাতকৈও অধিক পদক লাভ কৰে ৷ ২০২৩ চনৰ এছিয়ান গেমছত ভাৰতৰ বাবে শ্বুটিঙে অভূতপূর্ব ২২টা পদক লাভ কৰি আগবাঢ়িছিল, যত ৭টা সোণৰ পদক আছিল ৷ জেভেলিন থ্রত নীৰজ চোপ্রাৰ সফলতা অন্যতম ৷ এথলেটিকছে ১৪টা ৰূপ আৰু ৯টা ব্রঞ্জৰ সৈতে ৬টা সোণৰ সৈতে নিকট দ্বিতীয় স্থান লাভ কৰে ৷ ইফালে ধনুর্বিদৰ দলটোৱে এই শাখাত ৫টা স্বর্ণ পদক ক্লিন ছুইপ কৰে ৷ ক্রিকেট আৰু কাবাদী দলেও দুটাকৈ সোণৰ পদক লাভ কৰাৰ বিপৰীতে পুৰুষৰ হকী দলৰ স্বর্ণপদক লাভ কৰি পেৰিছ ২০২৪ অলিম্পিকত স্থান দখল কৰে ৷ ইয়াৰ উপৰি পুৰুষৰ ডাবলছ যুটি চিৰাগ শ্বেট্টী আৰু সাত্ত্বিকছাইৰাজ ৰেংকিৰেডীৰ সৌজন্যত ভাৰতে এছিয়ান গেমছৰ প্রথমটো বেডমিণ্ঢন স্বর্ণপদক লাভ কৰে ৷ স্কোৱাছ, টেনিছ আৰু অশ্বাৰোহীয়ে হাংঝৌত ভাৰতৰ হৈ ২৮টা স্বর্ণপদক সম্পূর্ণ কৰে ৷ পদকৰ উপৰি হাংঝোৱে পেৰিছ ২০২৪ৰ অলিম্পিকত ৭৪টা কোটা আগববাহছিল ধনুর্বিদত ৬টা, কলাত্মক সাঁতোৰত ১০টা, বক্সিংত ৩৪টা, ব্রেকিঙত দুটা, হকীত দুটা, আধুনিক পেণ্টাথলনত ১০টা, পালতোলাত ছটা, টেনিছত দুটা ৷ ভাৰতে মুঠতে ছটা কোটা নিশ্চিত কৰে বক্সিঙত চাৰিটা নিখাত জৰীণ, প্রীতি পাৱাৰ, পাৰবীন হুদা, লাভলীনা বৰগোহাঁহ আৰু এথলেটিকছ কিশোৰ জেনা আৰু পুৰুষৰ হকীত এটাকৈ কোটা লাভ কৰে ৷

এইবাৰৰ হাংঝৌ অম্পিম্পিকত ভিন্ন দেশৰ পদক তালিকা  এনে ধৰণৰ চীনে ২০০টা সোণ, ১১১টা ৰূপ, ৭১টা ব্রঞ্জৰ পদকেৰে মুঠ ৩৮২টা, জাপান ৫১টা সোণ,  ৫৫টা ৰূপ, ৬৯টা ব্রঞ্জৰ পদকেৰে মুঠ ১৮৬টাহ্ল, কোৰিয়াই ৪২টা সোণ,  ৫৯টা ৰূপ, ৮৯টা ব্রঞ্জৰ পদকেৰে মুঠ ১৯০টা, ভাৰতে ২৮টা সোণ, ৩৮টা ৰূপ, ৪১টা ব্রঞ্জৰ পদকেৰে মুঠ ১০৭টা, উজবেকিস্তানে ২২টা সোণ, ১৮টা ৰূপ, ৩১টা ব্রঞ্জৰ পদকেৰে মুঠ ৭১টা, চাইনিজ টাইপেই ১৮ টা সোণ ১৮টা ৰূপ ২৮টা ব্রঞ্জৰে , কোৰিয়া ১১টা সোণ ১৮টা ৰূপ ১০টা ব্রঞ্জৰে , থাইলেণ্ডে ১২টা সোণ, ১৪টা ৰূপ, ৩১টা ব্রঞ্জৰ পদকেৰে  বাইৰেইনে ১০টা সোণ, ৩টা ৰূপ, ৫টা ব্রঞ্জৰ পদকেৰে , ইৰানে ৮টা সোণ, ১৭টা ৰূপ, ১৮টা ব্রঞ্জৰ পদকেৰে মুঠ ৪৩টা, কাজাখাস্তানে ৯টা সোণ, ১৯টা ৰূপ, ৪৩টা ব্রঞ্জৰ পদকেৰে মুঠ ৭১টা পদক লাভ কৰি শীর্ষ দহত স্থান লাভ কৰে ৷

ভাৰতে ১০০টা পদক লাভ কৰি এক অভূতপূর্ব মাহলৰ খুঁটিত উপনীত হয় ৷ ইতিহাসত প্রথমবাৰৰ বাবে ভাৰতে এই উল্লেখযোগ্য কৃতিত্ব অর্জন কৰিবলৈ সক্ষম হৈছে ৷ এছিয়ান গেমছত ভাৰতীয় মহিলা কাবাদী দলে মহিলা দলৰ কাবাদী হভেণ্ঢত স্বর্ণপদক লাভ কৰাৰ পিছতে এই কৃতিত্ব লাভ কৰে৷ প্রধানমন্ত্রী নৰেন্দ্র মোদীয়ে খেলুৱৈসকলক অভিনন্দন জনাই এছিয়ান গেমছত ভাৰতৰ বাবে এক গুৰুত্বপূর্ণ কৃতিত্ব বুলি অভিহিত কৰে ৷ এক্সত টুইটাৰ এটা পোষ্টত মোদীয়ে লিখিছে, এছিয়ান গেমছত ভাৰতৰ বাবে এক গুৰুত্বপূর্ণ কৃতিত্ব, আমি ১০০ পদকৰ এক উল্লেখযোগ্য মাহলৰ খুঁটিত উপনীত হোৱাত ভাৰতবাসী ৰোমাঞ্চিত হৈ পৰিছোঁ ৷ আমাৰ অসাধাৰণ খেলুৱৈসকললৈ মোৰ আন্তৰিক অভিনন্দন জ্ঞাপন কৰিলোঁ, যিসকলৰ প্রচেষ্টাই ভাৰতৰ বাবে এই ঐতিহাসিক মাহলৰ খুঁটিটোলৈ লৈ গৈছে ৷ প্রতিটো ইতিহাসে আমাৰ হূদয় গৌৰৱেৰে ভৰাই তুলিছে ৷ এছিয়ান গেমছত ভাৰতে ১০০ পদক লাভ কৰাৰ লগে লগে ইতিহাস গঢ় লৈ উঠিল ৷ ভাৰতৰ কৃতিত্বত উৎফুল্লিত স্পর্টছ এছচিয়েচন অৱ ইণ্ডিয়া ৷ তেওঁলোকে কয়, টীম ভাৰতৰ সৈতে জড়িত আমাৰ খেলুৱৈসকলৰ সপোন, নিষ্ঠা আৰু দলীয় কামৰ শক্তিৰ প্রমাণ এয়া ৷ এই কৃতিত্বই আগন্তুক প্রজন্মক অনুপ্রাণিত কৰক কঠোৰ পৰিশ্রম আৰু আৱেগেৰে সকলো সম্ভৱ বুলি দেখুৱাছে ৷

চীনৰ হাংঝৌত অনুষ্ঠিত এছিয়ান গেমছত মহিলাৰ ৭৫ কেজি বক্সিং ইভেণ্টত ভাৰতৰ লাভলীনা বৰগোহাঁয়ে ৰূপৰ পদক অর্জন কৰে ৷ বর্তমানৰ বিশ্ব চেম্পিয়ন তথা অলিম্পিক পদক বিজয়ী বৰগোহাঁয়ে ফাইনেলত চীন প্রিয় লী কিয়ানৰ হাতত পৰাস্ত হৈ ভাৰতৰ এছিয়ান গেমছত বক্সিং অভিযানৰ অন্ত পৰে ৷ এছিয়ান গেমছ বক্সিং প্রতিযোগিতাত ভাৰতীয় মহিলাৰ বাবে এয়া প্রথম ৰূপৰ পদক ৷ ২০১৪ চনৰ ইণ্ডিয়ানত স্বর্ণপদক লাভ কৰে মেৰীকমে ৷ বৰগোহাঁয়ে কয় যে মই এই পদক পাই সুখী, আৰু অলপ হতাশ অনুভৱ কৰিছোঁ, কাৰণ মই ভাবিছিলোঁ যে মই সোণৰ পদক পাম ৷ কিন্তু অহাবাৰ চেষ্টা কৰিম আৰু ১০০ শতাংশ দিম আৰু নিষ্চিতভাৱে সোণৰ পদক পাম ৷ এহ যুঁজখনত প্রাক্তন বিশ্ব চেম্পিয়ন তথা দুবাৰৰ অলিম্পিক পদক বিজয়ী লি কিয়ান আৰম্ভণিৰে পৰাই ফ্রণ্টফুটত আছিল যদিও ভাৰতীয় বক্সাৰগৰাকীয়ে বেছিভাগ ঘুচিৰ পৰা হাত সাৰিবলৈ সক্ষম হয় ৷ দ্বিতীয় ৰাউণ্ডত অত্যধিক ক্লিনচিঙৰ বাবে লাভলীনা বৰগোহাইক এটা পহণ্ট কর্তন কৰা হয় ৷ ২০১৪ চনৰ ইণ্ডিয়ানত ৰূপৰ পদক লাভ কৰা লি কিয়ানে এছিয়ান গেমছৰ প্রথমটো সোণৰ পদক লাভ কৰাৰ বিপৰীতে লাভলীনাই প্রথমবাৰৰ বাবে ৰূপৰ পদক লাভ কৰি উভতি আহে ৷ লাভলীনা বৰগোহাঁয়ে চলিত বর্ষৰ আৰম্ভণিতে বিশ্ব চেম্পিয়নশ্বিপৰ ছেমিফাইনেলত লি কিয়ানৰ বিৰুদ্ধে খেলিছিল, যত ভাৰতীয়গৰাকীয়ে বিজয়ী হৈ ওলাই আহিছিল ৷ অলিম্পিকৰ পদক বিজয়ী তথা বিশ্ব চেম্পিয়ন লাভলীনাই মহিলাৰ ৭৫ কেজি শাখাৰ ফাইনেলত প্রৱেশ কৰাৰ ফলত পেৰিছ ২০২৪ অলিম্পিক কোটা লাভ কৰে ৷ ইয়াৰ পূর্বে আনগৰাকী ভাৰতীয় বক্সাৰ পাৰবীন হুডাই মহিলাৰ ৫৭ কেজিৰ ছেমিফাহনেলত চীনা টাইপেইৰ লিন ইউ টিঙৰ হাতত  পৰাস্ত হয় ৷ এছিয়ান গেমছত ব্রঞ্জৰ পদক লাভ কৰাৰ লগতে পেৰিছ ২০২৪ অলিম্পিক কোটাও লাভ কৰে হুডাই ৷ হাংঝৌত ভাৰতৰ ৫গৰাকী বক্সাৰ লাভলীনা বৰগোহাঁই, নিখাত জৰীণ, পাৰবীন হুদা, নৰেন্দ্র বেৰৱাল আৰু প্রীতি পাৱাৰে এটা ৰূপ আৰু চাৰিটা ব্রঞ্জৰ পদক লাভ কৰে ৷ ভাৰতে হাংঝৌত অনুষ্ঠিত পেৰিছ ২০২৪ অলিম্পিকৰ বাবেও চাৰিটা বক্সিং কোটা লাভ কৰে ৷

হাংঝোত আফগানিস্তানৰ বিৰুদ্ধে ফাইনেল বৰষুণৰ বাবে বাতিল কৰাৰ পিছত টি– ৰেংকিঙৰ উন্নতিৰ বাবে এছিয়ান গেমছ ২০২৩ পুৰুষৰ ক্রিকেট প্রতিযোগিতাত ভাৰতে স্বর্ণপদক লাভ কৰে ৷ ভাৰতীয় পুৰুষ ক্রিকেট দলে প্রথমবাৰৰ বাবে খিতাপ দখল কৰে ৷ এছিয়ান গেমছত ক্রিকেট পূর্বৰ দুটা সংস্ক্ৰণত (২০১০ ২০১৪) খেলা হৈছে যদিও ভাৰতে দুয়োটা সংস্ক্ৰণক এৰি দিয়াৰ সিদ্ধান্ত লৈছিল ৷ ইফালে আফগানিস্তানে এছিয়ান গেমছৰ পুৰুষ ক্রিকেটত ক্রমাগত তৃতীয়টো ৰূপৰ পদক লাভ কৰে ৷ ইয়াৰ পূর্বে হাংঝৌত ভাৰতীয় মহিলা ক্রিকেট দলটোৱেও টি–২০ প্রতিযোগিতাত স্বর্ণপদক লাভ কৰে ৷  ভাৰত বনাম আফগানিস্তানৰ ক্রিকেট ফাইনেল বৰষুণৰ বাবে বন্ধ হৈ শেষত পৰিত্যক্ত হৈ পৰে ৷ টি–২০ ৰেংকিঙৰ ফলত ভাৰতে চেম্পিয়নৰ মুকুট পিন্ধিছিল আৰু ২০১০ চনৰ গুৱাংঝৌ আৰু ২০১৪ চনত ইণ্ডিয়ানত ৰূপৰ পদক লাভ কৰা আফগানিস্তানে হাংঝৌতো ৰূপৰ পদক লাভ কৰি সন্তুষ্ট হবলগীয়া হৈছিল ৷

এছিয়ান গেমছত ভাৰতীয় হকী দলটোৱে নিজৰ সংখ্যাত আৰু এটা সোণৰ পদক সংযোজন কৰিছে, পুৰুষৰ হকী দলটোৱে জাপানৰ বিৰুদ্ধে হাই ষ্টেকছ ফাইনেল মেচত জয়লাভ কৰিছে ৷ ভাৰতীয় দলটোৱে আধিপত্যশীল প্রদর্শন কৰে, কিয়নো জাপানক ৫টা গল দিয়াৰ বিপৰীতে বিপক্ষই মাত্র এটাহে গল দিবলৈ সক্ষম হল ৷ ভাৰতৰ হৈ সর্বাধিক গলদাতা হৰমনপ্রীত সিঙে ক্রমে ৩২ আৰু ৫৯ মিনিটত পেনাচ্টী কর্নাৰ দুটা সফলতাৰে গল কৰি লয় ৷ অৱশ্যে আৰম্ভণিৰ গলটো মনপ্রীত সিঙৰ হাতত চ্প্ত মিনিট ৷ আন এটা গল অমিত ৰোহিদাসে পেনাচ্ট কর্নাৰেৰে  মিনিট, আনহাতে, অভিষেকে ফিল্ড গল  মিনিট কৰে ৷ জাপানৰ হৈ একমাত্র গলটো ৫১ মিনিটত চেৰেন তানাকাই পেনাল্টী  কর্নাৰ সফলতাৰে ব্যৱহাৰ কৰি দিয়ে৷ ভাৰতৰ এই জয়ৰ জৰিয়তে দেশখনে এছিয়ান গেমছত পুৰুষ হকীত সোণৰ পদক লাভ কৰে চতুর্থবাৰৰ বাবে ৷  ২০১৪ চনত ইণ্ডিয়ান সংস্ক্ৰণত শেষৰটো জয় লাভ কৰিছিল আৰু ইয়াৰ পূর্বৰ দুটা জয় ১৯৬৬ আৰু ১৯৯৮ চনত পঞ্জীয়ন হৈছিল, দুয়োবাৰেই বেংককত ৷

এছিয়ান গেমছ প্রথম ১৯৫১ চনত ভাৰতৰ ৰাজধানী নতুন দিল্লীত অনুষ্ঠিত হয় ৷ এছিয়ান গেমছ চাৰি বছৰৰ মূৰে মূৰে হয় ৷ এইবাৰ ২০২৩ চীনৰ হাংঝৌত এছিয়ান গেমছ অনুষ্ঠিত হয় ৷ পৰৱর্তী এছিয়ান গেমছ ২০২৬ চনত জাপানৰ নাগোয়াত অনুষ্ঠিত হব ৷ ১৯৫৮ চনত টকি আৰু ১৯৯৪ চনত হিৰোছিমাৰ পিছত জাপানত তৃতীয়বাৰৰ বাবে এছিয়ান গেমছ অনুষ্ঠিত হব ৷

ফোনঃ  ৬০০১৫-২১৭৮০