সৌন্দর্য সাধনাত নেমু

গীতাশ্রী গগৈ হাতীবৰুৱা

অতীজৰে পৰা পুৰুষ–মহিলা বিশেষকৈ মহিলাসকলে সৌন্দর্য চর্চাত বিশেষ গুৰুত্ব প্রদান কৰি আহিছে ৷ অৱশ্যে বর্তমান কেৱল মহিলা বুলি কলে মিছা কোৱা হব ৷ কাৰণ এই সৌন্দর্যৰ ক্ষেত্রত যুৱক বা পুৰুষসকলো পিছপৰি থকা নাই ৷ বহুসংখ্যক মহিলাই পাকঘৰতে ব্যস্ত থাকে যদিও সৌন্দর্য চর্চাৰ ক্ষেত্রতো কিন্তু পিছপৰি নাথাকে ৷ আগতে মাক কৰা দেখোঁ নখকেইটা ইমান লেতেৰা হৈছে বুলি নেমু এটুকুৰা লৈ নখত ঘঁহে আৰু লগে লগে নখকেইটা দাগবিহীন আৰু চকচকীয়া হৈ পৰে ৷ প্রকৃততে পাকঘৰত দৈনন্দিন ব্যৱহূত  নেমুটেঙা যেনেকৈ কিছুমান বাচন–বর্তন চাফা কৰিবলৈ ব্যৱহাৰ কৰা হয়, ঠিক তেনেকৈ আমাৰ ছাল–চুলিৰ লগতে হাত–ভৰিৰ নখলৈকে সৌন্দর্য চর্চাতো বহু পৰিমাণে উপকাৰ সাধন কৰি আহিছে ৷ জানো আহক কেনেকৈ

বেচন এক চামুচ, এক চিকুট হালধি, কেহটোপালমান নেমুৰ ৰস, আধা চামুচ মৌ, অলিভ অহল ভালকৈ মিহলাহ মুখ আৰু ডিঙিত লগাই দহ মিনিটৰ পিছত ধুই পেলাওক ৷

দুহ চামুচ নাৰিকল তেল নাইবা আলমণ্ড অহল আৰু এক চামুচ নেমুৰস ভালকে মিহলাই চুলিৰ গুৰিত লগাই লাহে লাহে মালিচ কৰি আধা ঘণ্টাৰ পিছত চেম্পুৰে ধুই পেলাওক ৷ হয়ে আপোনাক উফিৰ পৰা দূৰত ৰাখিব ৷ এনেকৈ সপ্তাহত দুই বা তিনিবাৰ কৰিলে সুফল পাব ৷

দুই চামুচ এলভেৰা জেল আৰু এক চামুচ নেমুৰস লৈ চুলিত বিশ মিনিটৰ কাৰণে লগাওক আৰু পৰিষ্কাৰ পানীৰে ধুই পেলাওক ৷ সেইদিনাই চেম্পু ব্যৱহাৰ নকৰিলেও কোনো কথা নাই ৷

নেমু এটুকুৰা কাটি লৈ তাৰ লগত নিমখ নাইবা চেনি আৰু দুই টোপালমান অলিভ অহল মিহলাই হাতৰ তলুৱাৰ লগতে কিলাকুটিলৈকে লাহে লাহে পাঁচ–ছয় মিনিট মান ঘঁহক ৷ হয়ে স্কার্বৰ কাম কৰিব ৷

চেনি আৰু নিমখ সমপৰিমাণৰ লৈ তাৰ লগত অলপমান মৌ মিলাই ভৰিৰ গোৰোহা চাফা কৰিব ৷ এনেকৈ সপ্তাহত দুহ তিনি দিন কৰিলে হাতৰ খহটা ভাব আৰু ভৰিৰ ফটা ছালৰ পৰা হাত  সাৰিব ৷ হাত–ভৰি  নিমজ হব ৷

নেমুক নেচাৰেল ডিডৰেণ্ট হিচাপেও ব্যৱহাৰ কৰিব পাৰি৷ গা ধোৱাৰ সময়ত কাষলটিত নেমু ৰস সানি আঠ দহ মিনিটৰ পিছত ধুই পেলাব ৷ ইয়ে কাষলটি তলৰ দুর্গন্ধ দূৰ কৰিব ৷ যিসকলৰ ছালখন স্পর্শকাতৰ, তেওঁলোকে নেমুৰসৰ লগত সমপৰিমাণৰ পানী মিহলাই ব্যৱহাৰ কৰিব ৷ গা ধোৱা পানীখিনিত নেমুৰস মিহলাহ ললে দিনটোলৈ ফ্রেচ লাগি থাকিব ৷

নেমুৰস মুখত লগাওক আৰু দহ মিনিটৰ পিছত পৰিষ্কাৰ পানীৰে ধুই পেলাওক ৷ মুখত নেমু ৰস লগাই থকাৰ সময়ত ৰদত নোলাব ৷

নেমুৰস তিনি চাৰি টোপাল, আধা চামুচ পিচি লোৱা চেনিৰ গুড়ি , আধা চামুচ মৌ, মৌৰ সলনি গ্লিচাৰিনো দিব পাৰে ভালকৈ মিহলাই মুখত লগাই লাহে লাহে ঘঁহক আৰু পৰিষ্কাৰ পানীৰে ধুই পেলাওক ৷ ইয়ে স্কার্বৰ কাম কৰিব ৷

এক চামুচ এলভেৰা জেল, আধা চামুচ নেমুৰস আৰু দুই তিনি টোপাল নাৰিকল তেল মিহলাই মুখ আৰু ডিঙিত লগাই দহ মিনিট সময় মালিচ কৰি পৰিষ্কাৰ পানীৰে ধুই পেলাওক ৷

মহিলা নাইবা পুৰুষ সকলোৰে এটা গুৰুত্বপূর্ণ সমস্যা হৈছে উফি ৷ মূৰত উফি হলে অলপ সময় উলিয়াই যত্ন ললেই অতি কম দিনৰ ভিতৰতে এই সমস্যা দূৰ হয় ৷ এটা নেমুৰ ৰস উলিয়াই তাৰ লগত পানী আৰু নাৰিকল তেল মিহলাই লব ৷ এটুকুৰা কপাহত লগাই চুলিৰ গুৰিত লগাই দহ বা পোন্ধৰ মিনিটৰ কাৰণে ৰাখিব দিব ৷ তাৰ পিছত চেম্পুৰে ধুই পেলাব ৷  যদি উফি বহুত বেছি আছে, তেন্তে সপ্তাহত দুই বা তিনি দিন লগাব আৰু যদি উফি কম আছে তেন্তে সপ্তাহত এদিনকৈ লগালেই হব ৷ উফি একেবাৰে নোহোৱা হলে মাহৰ মূৰত লগাব ৷

এনেকৈ নেমু লগোৱাৰ উপৰি নেমু নিয়মিত খোৱা কৰক৷ হয়ে আপোনাৰ ছাল, চুলিৰ সৌন্দর্য অটুট ৰখাৰ উপৰি অত্যধিক মেদৰ পৰা বচাই ৰখাত সহায় কৰিব ৷

এটা কথা লক্ষ্য ৰাখিব যিসকল লোকৰ ছালত নেমুৰস লগালে অসুবিধা হয় তেওঁলোকে পানী মিহলাই ব্যৱহাৰ কৰিব আৰু যদি পানী মিহলোৱাৰ পিছতো লগালে অসুবিধাত পৰে, তেন্তে নেমু লগোৱাৰ পৰা আঁতৰত থাকিব