ড° বুলজিৎ বুঢ়াগোহাঁই
ফেশ্বন সাংবাদিক হৈছে এক পেছাদাৰী যিয়ে ফেশ্বন ডিজাইন, ফেশ্বন শ্ব’, ট্ৰেণ্ড আৰু ষ্টাইলৰ বিষয়ে লিখে আৰু প্ৰতিবেদন প্ৰস্তুত কৰে। এই সাংবাদিকসকলে ফেশ্বন উদ্যোগৰ সৈতে ঘনিষ্ঠভাৱে কাম কৰি তথ্য সংগ্ৰহ কৰে, বিশেষকৈ ফেশ্বন ডিজাইনাৰ, ষ্টাইলিষ্ট আৰু কিউৰেটৰৰ সৈতে। তেওঁলোকে উচু মানদণ্ডৰ সমল প্ৰস্তুত কৰি তাৰ প্ৰচাৰ কৰে। ফেশ্বন সাংবাদিকতা এক বহুমুখী পেশা, য’ত লেখক, সম্পাদক, ফটোগ্ৰাফাৰ আদি বিভিন্ন ভূমিকা পালন কৰে।
এজন ফেশ্বন সাংবাদিকৰ দায়িত্বসমূহ তেওঁৰ নিযুক্তিৰ ভূমিকা, স্থান, অভিজ্ঞতা, আৰু কৰ্মক্ষেত্ৰৰ ওপৰত নিৰ্ভৰ কৰে। মূলত, এজন ফেশ্বন সাংবাদিকৰ কামবোৰ হ’ল:
গৱেষণা : নতুন ফেশ্বন ট্ৰেণ্ড, ডিজাইনাৰ, আৰু শ্ব’ৰ বিষয়ে তথ্য সংগ্ৰহ কৰি ফেশ্বন উদ্যোগৰ বিষয়ে সঘনকৈ আপডেট থকা।
লেখা আৰু প্ৰতিবেদন প্ৰস্তুত কৰা : ফেশ্বন শ্ব’, ইভেন্ট, নতুন প্ৰডাক্ট লঞ্চ আদি বিষয়ে লিখা, ব্লগ, কলাম, আৰু প্ৰতিবেদন প্ৰস্তুত কৰা। এইবোৰ জনসাধাৰণৰ মাজত ফেশ্বন সচেতনতা বৃদ্ধি কৰাৰ বাবে হয়।
সাক্ষাৎকাৰ লোৱা : উল্লেখযোগ্য ফেশ্বন ডিজাইনাৰ, ষ্টাইলিষ্ট, মডেল আৰু ফেশ্বন উদ্যোগৰ অন্যান্য গুৰুত্বপূর্ণ ব্যক্তিৰ সৈতে সাক্ষাৎকাৰ কৰি তেওঁলোকৰ দৃষ্টিভংগী আৰু অভিজ্ঞতা শ্বেয়াৰ কৰা।
সম্পাদনা : সম্পাদক হিচাপে, তেওঁলোকে ফেশ্বন লেখাসমূহ পৰ্যালোচনা, সংশোধন, আৰু চূড়ান্ত ৰূপ প্ৰদান কৰে। ফেশ্বন প্ৰতিবেদনৰ গুণগত মান নিশ্চিত কৰে।
ফটোগ্ৰাফী : ফেশ্বন ফটোগ্ৰাফাৰসকলে ফেশ্বন শ্ব’, মডেল শ্বুট, আৰু ইভেন্টৰ ছবি তোলাৰ দ্বাৰা প্ৰতিবেদনত চাক্ষুষ সমল যোগ কৰে। ইভেন্টৰ আকৰ্ষণীয় মুহূর্তবোৰ বন্দী কৰে আৰু উপযুক্ত দৃশ্যৰ মাধ্যমেৰে প্ৰকাশ কৰে।
মিডিয়া আউটলেটৰ সৈতে কাম কৰা : ফেশ্বন সাংবাদিকসকলে আৱশ্যকীয় ফেশ্বন কণ্টেণ্ট প্ৰস্তুত কৰিবলৈ বিভিন্ন সংবাদ মাধ্যম, আঞ্চলিক বা আন্তঃৰাষ্ট্ৰীয় আউটলেটৰ সৈতে কাম কৰে।
এই সকলোবোৰ দায়িত্ব পালনৰ মাধ্যমেৰে, এজন ফেশ্বন সাংবাদিক ফেশ্বন উদ্যোগৰ ভিতৰৰ আৰু বাহিৰৰ সকলো ঘটনাৰ সৈতে জনসাধাৰণক আপডেট হৈ থাকিবলৈ সহায় কৰে।
এজন ফেশ্বন সাংবাদিক হোৱাৰ বাবে কিছু পদক্ষেপ গ্রহণ কৰিব লাগিব । সাংবাদিকতা, ইংৰাজী, ফেশ্বন ডিজাইন , গণসংযোগ আদিৰ দৰে বিষয়ত স্নাতক ডিগ্ৰী লাভ কৰিব লাগে। বিশেষ ফেশ্বন সাংবাদিকতাৰ পাঠ্যক্রম বা কৰ্মশালাত অংশ গ্ৰহণ কৰিব লাগে। ফেশ্বন আলোচনা, ব্লগ বা মিডিয়া হাউচত ইন্টাৰ্নশ্বিপ কৰি অভিজ্ঞতা লাভ কৰিব লাগে। যিকোনো ইন্টাৰ্নশ্বিপ বা ফ্ৰীলান্স কামৰ অভিজ্ঞতাক লৈ এটা পৰ্টফলিঅ’ প্রস্তুত কৰিব লাগে । মিডিয়া ইভেন্ট: ফেশ্বন ইভেন্ট, মিডিয়া গেট-টুগেদাৰ, বা সংবাদ মেলত অংশগ্ৰহণ কৰি নেটৱৰ্কিং গঢ়িব লাগে। লিংকডইন, টুইটাৰ বা ইনষ্টাগ্ৰামৰ দৰে প্লেটফৰ্মত ফেশ্বন সম্পৰ্কিত ব্যক্তিৰ সৈতে সংযোগ গঢ়িব লাগে। ফেশ্বন ফটোগ্ৰাফী, ভিডিঅ’ আৰু ফেশ্বন সম্পৰ্কীয় মতামত ছ’চিয়েল মিডিয়া মিডিয়াত শ্বেয়াৰ কৰিব লাগে । নিজস্ব ফেশ্বন ব্লগ আৰম্ভ কৰিব লাগে আৰু নিজৰ কামৰ প্ৰচাৰ কৰিব লাগে ।
এজন সফল ফেশ্বন সাংবাদিক হবলৈ কিছুমান দক্ষতা থকা দৰকাৰ , যেনে –ফেশ্বন সাংবাদিকৰ বাবে কল্পনাপ্রসূত আৰু উদ্ভাৱনীমূলক চিন্তা-ধাৰণাৰ ক্ষমতা অত্যন্ত প্ৰয়োজনীয়; ফেশ্বন উদ্যোগৰ গভীৰ দিশসমূহ বুজিবলৈ গভীৰ গৱেষণা আৰু তথ্য সংগ্ৰহৰ ওপৰত নিয়মিত অভ্যাস; ফেশ্বন সাংবাদিকে নিজৰ ব্যক্তিগত অভিজ্ঞতাৰ বাহিৰে চাবলৈ সক্ষম হ’ব আৰু ফেশ্বনক অধিক বহল আৰু বৈচিত্ৰময় প্ৰেক্ষাপটত বিশ্লেষণ ক্ষমতা ;আকর্ষণীয় আৰু প্ৰভাৱশালী ভাষাৰে কথা-বাৰ্তা আৰু লেখা যোগ্যতা ;ফেশ্বন সাংবাদিকৰ বাবে উৎকৃষ্ট লিখিত আৰু মৌখিক যোগাযোগৰ দক্ষতা ;ফেশ্বন উদ্যোগৰ লোকসকলৰ সৈতে সু-সম্পর্ক বজাই ৰখাত দক্ষতা আদি গুণ থকা প্রয়োজন।
ফেশ্বন সাংবাদিকতাৰ পাঠ্যক্রম আগবঢ়োৱা শিক্ষানুষ্ঠান কেইখনমান হ’ল – নেচনেল ইনষ্টিটিউট অৱ ফেশ্বন টেকন’লজি (https://www.nift.ac.in) , ইণ্ডিয়ান ইনষ্টিটিউট অৱ ফেশ্বন এণ্ড ডিজাইন (https://iifd.in), এ এএফ টি ইউনিভাৰ্চিটি অৱ মিডিয়া এণ্ড আৰ্টছ (https://aaft.com) আদি ।
অকল সাংবাদিকতাৰ পাঠ্যক্রম অধ্যয়ন কৰিলেও ফেশ্বন সাংবাদিক হোৱাত সহায় কৰে। সাংবাদিকতা শিক্ষা গ্রহণ কৰিব পৰা অসমৰ শিক্ষানুষ্ঠান কেইখনমান হ’ল- গুৱাহাটী বিশ্ববিদ্যালয় (http://www.gauhati.ac.in), তেজপুৰ বিশ্ববিদ্যালয় (www.tezu.ernet.in), অসম বিশ্ববিদ্যালয় (www.aus.ac.in), ডিব্রুগড় বিশ্ববিদ্যালয় (www.dibru.ac.in), অসম মহিলা বিশ্ববিদ্যাল (www.awu.ac.in), কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয় (www.kkhsou.in), কটন বিশ্ববিদ্যালয় (https://cottonuniversity.ac.
সাংবাদিকতা শিক্ষা গ্রহণ কৰিব পৰা অসমৰ বাহিৰৰ কেইখনমান শিক্ষানুষ্ঠান হ’ল- ইণ্ডিয়ান ইনষ্টিটিউট অৱ মাছ কমিউনিকেছন(www.iimc.nic.in),ছি
ফোন : ৯৪৩৫১-৮৮৬৩০
Comments are closed, but trackbacks and pingbacks are open.