যুৱতীৰ ফেশ্বনেবল ৰং আৰু আৰ্হি

২০২৪ চনৰ স্প্রিং চামাৰ ৰং বৰ্তমান সাজপাৰ সমূহত খুব জনপ্ৰিয় হৈ আছে।পৰম্পৰাগত আৰ্হিৰ সাজসমূহ তথা পশ্চিমীয়া সভ্যতাৰ সাজ খিনিও পাতলীয়া ৰঙেৰে ভৰপুৰ হৈ বিয়পি আছে। আজিৰ লেখাত যুৱতীসকলৰ বাবে ফেশ্বনেবল ৰং আৰু আৰ্হি বিষয়ে আগবঢ়োৱা হল।

যিকোনো ছোৱালীৰ বাবে এই ৰঙৰ সাজ নিজৰ সংগ্ৰহত থাকে। পাৰ্টি বা দিনৰ অন্য সময়ত এই ৰং প্ৰায় খিনি যুৱতীয়ে ব্যৱহাৰ কৰা দেখা যায়। টি শাৰ্ট বা পেণ্ট, শাৰী যিকোনো সাজেই ক’লা ৰঙত প্ৰথম পছন্দ কৰা হয়। ইভিনিং গাওন , ফ্ৰক বা যিকোনো পশ্চিমীয়া সাজ এই ৰঙত ভাল লাগে। কম গৰম সময়ত এই ৰঙত আপোনাক ভাল লাগিব।

পাতল উজ্জ্বল হালধীয়া ৰং যিকোনো ছালৰ ৰঙৰ লগত মিলি যায়। মিদি ড্ৰেছ , প্ৰিণ্ট শাৰী, অভাৰ চাইজ চাৰ্ট  বগা ৰঙৰ লগত মৰমলগা হৈ পৰে। বেছি উজ্জ্বল দেখাব বিচাৰিলে ৰঙা বা ৰয়েল ব্লু , লেমণ গ্ৰীণৰ লগত সংমিশ্ৰণ কৰিব পাৰে।

ৰাজকীয় লুকৰ বাবে ৰঙা হৈছে উত্তম আৰু অদ্বিতীয়। ইউৰোপীয় আৰ্হিত দীঘল সাজ অথবা বহেমিয়ান লুকৰ বাবেও এই ৰং ভাল দেখে। এক্সেছৰি বা মেক আপ আৰু চুলিৰ ষ্টাইল মিলাই ললে এই ৰঙত আপোনাক খুব সুন্দৰ লাগিব। বিশেষ পাৰ্টি হলে সোণালী ৰঙৰ লগত মিলাই লব। নহলে এক ৰঙী হলেই ভাল লাগিব ।

অতি মৰমলগা এই ৰং সকলো বৰণৰ ছালৰ গৰাকীক ভাল লাগে। বেগুনিয়া পৰিয়ালৰ পৰা অহা এই ৰং পাতল নীলা, গুলপীয়া , বগা বা ফুশিয়া পিংক লগত সুন্দৰ কৈ মিলি পৰে। চিন্দ্ৰেলা ফ্রক, মিনি ফ্ৰ্ক অথবা বডিকন সাজ হলে এই সাজৰ লগত বেছি অলংকাৰ বা আনুষঙ্গিক সামগ্ৰীসমূহ নলব।

বিভিন্ন ৰঙৰ  প্ৰিণ্ট  বা মটিফ থকা ফেব্ৰিক আৰু হস্ত শিল্পৰ সাজ এই ক্ষেত্ৰত সঠিক ৰূপত ব্যবহাৰ কৰিব পৰা যায় বিভিন্ন অভ্যৰ্থনা, বিবাহ বা যিকোনো উৎসৱত। জৰী, গুণা, ক্ৰিষ্টেল ষ্টনচ, মুকুতা ইত্যাদি বেছি উজ্জ্বল দেখা যাব দিনৰ ভিতৰত। সেয়ে এনে সাজ সন্ধিয়া বা ৰাতিৰ সময়ত পৰিধান কৰিলে বেছি ভাল লাগে ।

ইউৰোপীয়ান : ৰেনেছা যুগৰ বা ১৭/১৮ শতিকাৰ ফেশ্বন আজিও বহুত উচ্চ খাপৰ ষ্টাইল বুলি ধৰা হয়। ঢৌ খেলা হাত , দীঘল শ্লিভ, লেছযুক্ত ডিঙিৰ ডিজাইন , মিদী স্কাৰ্ট, লং ড্ৰেচ ইত্যাদি বিশেষ ভাবে জনপ্ৰিয়। ডাঙৰ বেল্ট, ডাঙৰ টুপী, ডাঙৰ আকৃতিৰ ছান গ্লাচ ইত্যাদি আপোনাৰ ব্যক্তিত্ব মতে ব্যবহাৰ কৰিব ।

যিকোনো কিশোৰী বা যুৱতীৰ প্ৰথম পছন্দ । চৰ্টছ , লংপেণ্ট , জেকেট, জোতা সকলোতে ডেনিমৰ বিশেষ স্থান আছে। খুব স্মাৰ্ট আৰু সতেজ লুক আহি পৰে। ছেমি ফৰ্মেল পিন্ধিবলৈ হলেও ডেনিম ব্যবহাৰ কৰিব পাৰে। বেগ , ক্লিপ, ক্ৰপ টপ ইত্যাদিও ডেনিম ফেশ্বনৰ অন্তৰ্গত হৈ পৰিছে।

মুক্ত ফেশ্বন বুলি যাক কোৱা হয়। যিকোনো ৰং যিকোনো ষ্টাইলত আপুনি স্বাসন্দ্যভাৱে পিন্ধি ওলাই যাওক ইয়াৰ লগত জৰুৰী কেৱল আত্মবিশ্বাস। অভাৰ চাইজ ড্ৰেছ, লগত বিডছ নেকলেছ, ভিন্ন আকৃতিৰ ৰঙীন খাৰু, যিকোনো এটা বেগ আৰু জোতা বা চপ্পল, আপুনি বহেমীয়ান লুকৰ বাবে সাজু।

ডাঙৰ প্ৰিণ্ট আৰু সামান্য সাহসী কাট যুক্ত সাজ, আৰু হাঁহিৰ হৈতে আপুনি পাই যাব এই লুক। বন্ধ দিনসমূহৰ অৱসৰ সময় খিনি চিন্তাহীন হৈ কটাব বিচাৰিলে এই লুকৰ সাজ উপযুক্ত। পাতল ওজনৰ কাপোৰত সাজু কৰা এই সাজসমূহ আপোনাৰ খোলা মনৰ পৰিচায়ক।

বিশেষ ভাৱে ক’লা , ৰঙা আৰু বগা ৰঙৰ ভিতৰত এই সাজসমূহ তৈয়াৰ কৰা হয়। চমু কৈ কবলৈ হ’লে এই সাজ ছেমি ফর্মেল প্ৰকাৰত পৰে। বিয়া, গেট টুগেদৰ, পাৰ্টি ইত্যাদি সময়ত অতি কম ষ্টাইল কিন্তু সঠিক ডিজাইনত পৰিধান কৰোঁতাজনৰ ব্যক্তিত্ব তুলি ধৰা হয়। সাধাৰণতে জ্যামিতিক, ফ্লৰ লেংঠ , আঁঠুৰ সীমা লৈকে এনে সাজ জনপ্ৰিয় ।