গীতাশ্ৰী গগৈ হাতীবৰুৱা
আমাৰ পাকঘৰৰ আটাইতকৈ লেখত ল’ব লগীয়া সামগ্ৰী বিধেই হৈছে চাউল। এই মূল্যবান সামগ্ৰী চাউলেই অতিজৰে পৰা আমাৰ সৌন্দৰ্য সাধনাত গুৰুত্ব পূৰ্ণ ভূমিকা লাভ কৰি আহিছে। জানো আহক কি কি ধৰণে বা কেনেকৈ এই সামগ্ৰী বিধ ব্যৱহাৰ কৰিব পাৰি। অনুমান কৰা হৈছে যে চাউলৰ গোৰা ত পোৱা প্ৰাথমিক উপাদানসমূহে এন্টি-ইনফ্লেমেটৰী আৰু এন্টিঅক্সিডেন্ট এজেণ্ট হিচাপে কাম কৰে যিয়ে ছালৰ বয়স বৃদ্ধি ৰোধ কৰে, UV ক্ষতি হ্ৰাস কৰে, ছাল পাতল হোৱাত সহায় কৰে, আৰু ছাল আৰু চুলিৰ পুনৰ বৃদ্ধি উন্নত কৰে। ব্ৰাউন ৰাইচৰ প্ৰটিনক প্ৰাকৃতিক এক্সফোলিয়েণ্ট হিচাপে কাম কৰে বুলি বিশেষজ্ঞ সকলে নিশ্চিত কৰিছে। ছালৰ যত্ন আৰু চুলিৰ যত্ন লোৱা কেইবাটাও সামগ্ৰীতো অতিৰিক্ত তেল শোষণ কৰিবলৈ চাউলৰ ষ্টাৰচ ব্যৱহাৰ কৰা হয়। এই প্ৰতিটো ব্যৱহাৰৰ ওপৰত কৰা গৱেষণাৰ ওপৰত চমুকৈ চকু ফুৰালোঁ।
এক চামুচ চাউলৰ গুৰিৰ লগত, আধা চামুচ মৌ,প্ৰয়োজন অনুযায়ী গাখীৰ (গৰম নকৰা) মিহলাই এটা পেষ্ট তৈয়াৰ কৰি মুখ আৰু ডিঙিত বিছ মিনিট লগাই পানীৰে ধুই পেলাব। এনেকৈ সপ্তাহত তিনি দিন ব্যৱহাৰ কৰিৰ পাৰিলে সু ফল পাব। সকলো ধৰণৰ ছালতে এই পেকটো ব্যৱহাৰ কৰিব পাৰিব।
এক চামুচ চাউলৰ গুৰিৰ লগত এক চামুচ দৈ আৰু এক চিকুত হালধি মিহলাই মুখ মণ্ডল আৰু ডিঙিত লগাব। আধা ঘণ্টাৰ পিছত পানীৰে ধুই পেলাব। এনেকৈ প্ৰতি দিনে লগাব পাৰিলে ভাল ফলাফল পাব।
এল’ভেৰা জেলৰ (ঘৰৰ সতেজ এল’ভেৰা হ’লে বেছি ভাল) লগত চাউলৰ গুৰি মিহলায়ো পেক হিচাপে লগাব পাৰে।
দুই চামুচ চাউলৰ গুৰি, এক চামুচ এল’ভেৰা জেল, আধা চামুচ গাখীৰ, তিনি চাৰি টোপাল নাৰিকল তেল এই কেইবিধ সামগ্ৰী দি এটা পেষ্ট তৈয়াৰ কৰি মুখমণ্ডল আৰু ডিঙিত লগাই দহ বা পোন্ধৰ মিনিট ৰাখি ধুই পেলাব। এই পেকটো হাত ,ভৰি ,পিঠি আদিটো লগাব পাৰে।
চাউলৰ গুৰিৰ লগত নেমু ৰস মিহলাইও স্কাৰ্ব হিচাবে ব্যৱহাৰ কৰিব পাৰে। যি সকলৰ ছালত নেমু লগাব নোৱাৰে তেওঁ লোকে পানী মিহলাইও লগাব পাৰে। এই স্কাৰ্ব লগোৱাৰ পাছত অলপ শুকুৱাৰ পাছত পানী লগাই লাহে লাহে হাতৰ তলুৱাৰে ঘহিব আৰু ভালকে পানীৰে ধুই পেলাব । এটা কথা মনত ৰাখিব সামগ্ৰী খিনি এৰুৱাওতে খুব লাহে লাহে ঘহি এৰুৱাব।
দুই চামুচ চাউলৰ গুৰিৰ লগত বিলাহীৰ আৰু কেচা গাখীৰ মিহলায়ো স্কাৰ্ব হিচাবে ব্যৱহাৰ কৰিব পাৰে ।গাখীৰৰ সলনি গোলাপ জল দিব পাৰে।
উজ্জ্বল ছালৰ বাবে
এক চামুচ চাউলৰ গুৰা, এক চামুচ ওটছ, মৌ, গাখীৰ মিহলাই মসৃণ পেষ্ট বনাব। পেষ্টটো মুখত দুমিনিটমান মালিচ কৰক, তাৰ পিছত ১৫ মিনিট বহিবলৈ দিয়ক। পানীৰে ধুই শুকুৱাই মইশ্ব’ৰাইজাৰ লগাওক। উত্তম ফলাফলৰ বাবে এই পেকটো সপ্তাহত দুবাৰ ব্যৱহাৰ কৰক।
ব্ৰণৰ সমস্যা থকাসকলৰ বাবে
চাউলৰ গুৰা এচামুচ চাৰি টোপাল এড়ি তেল আৰু কেইটোপালমান গোলাপ জল মিহলাই ডাঠ পেষ্ট তৈয়াৰ কৰক। পেষ্টটো লগাই পাঁচ মিনিট বহিবলৈ দিয়ক, তাৰ পিছত ধুই মইশ্ব’ৰাইজ কৰক। উত্তম ফলাফলৰ বাবে এই পেকটো সপ্তাহত তিনিবাৰ ব্যৱহাৰ কৰক।
ৰদে পুৰা ছালৰ বাবে
দুচামুচ চাউলৰ গুৰা ঠাণ্ডা গাখীৰৰ লগত মিহলাই ডাঠ পেষ্ট বনাব। টেন হোৱা ঠাইত পেষ্ট লগাই ৩০ মিনিট শুকুৱাই লওক। তাৰ পিছত, কুহুমীয়া পানীৰে ধুই পেলাওক।
ছালত বয়সৰ চাপ আঁতৰাবলৈ
আধা কুটি লোৱা আপেল, আধা কমলাৰ ৰস, এচামুচ মৌ, আৰু দুচামুচ চাউলৰ গুৰি মিহলাই ডাঠ পেষ্ট বনাব। পেষ্টটো লগাই ১৫ মিনিট বহিবলৈ দিয়ক, তাৰ পিছত ধুই মইশ্ব’ৰাইজ কৰক।
ডাৰ্ক চাৰ্কলৰ বাবে
ছাল বগা কৰা আৰু ডাৰ্ক চাৰ্কল প্ৰতিৰোধৰ বাবে চাউলৰ আটা ব্যৱহাৰ কৰিব পাৰে। মাত্ৰ মিশ্ৰণটোত এচিকুট হালধি আৰু টমেটোৰ ৰস দিব। এই দুয়োটা উপাদানৰ ছাল উজ্জ্বল কৰা গুণ আছে আৰু ইয়াক ব্যৱহাৰ কৰা হয়।
আৰু এটা উত্তম ফেচ পেক হৈছে
ঘৰতে নিজৰ কফি, বিলাহি আৰু চাউলৰ পাউদাৰ পেক তৈয়াৰ কৰক
আৰম্ভণিতে এটা পৰিষ্কাৰ বাটিত মিহিকৈ পিহি লোৱা কফি, সতেজ টমেটোৰ পাল্প, আৰু চাউলৰ গুড়ি মিহলাই লওক। উপাদানবোৰ ভালদৰে মিহলাই মসৃণ পেষ্ট গঠন হোৱাটো নিশ্চিত কৰক। কোনো ধৰণৰ মেকআপ, মলি, অশুদ্ধি আঁতৰাবলৈ মুখখন লাহে লাহে পৰিষ্কাৰ কৰক। পৰিষ্কাৰ টাৱেলেৰে ছালখন শুকুৱাই পেট মাৰি পেলাওক। পৰিষ্কাৰ আঙুলিৰ মূৰ বা প্ৰসাধন ব্ৰাছ ব্যৱহাৰ কৰি কফি টমেটো আৰু চাউলৰ পাউদাৰ পেকৰ সম স্তৰ মুখত লগাব লাগে, চকুৰ সুক্ষ্ম অংশ এৰাই চলিব লাগে। পেকটো আপোনাৰ ছালত ১৫-২০ মিনিট বহিবলৈ দিব যাতে উপাদানবোৰে নিজৰ যাদু কাম কৰিব পাৰে। এই সময়ছোৱাত আপুনি সামান্য খজুৱতি অনুভৱ কৰিব পাৰে কাৰণ পেকে ৰক্ত সঞ্চালনক উদ্দীপিত কৰে আৰু ছালখন এক্সফোলিয়েট কৰে। নিৰ্দিষ্ট সময় পাৰ হোৱাৰ পিছত পেকটো কুহুমীয়া পানীৰে ভালদৰে ধুই পেলাওক, ছালখনক কোমল বৃত্তাকাৰ গতিৰে মালিচ কৰি এক্সফোলিয়েটিং ইফেক্ট বৃদ্ধি কৰক। হাইড্ৰেচন লক কৰিবলৈ আৰু আপোনাৰ ছালখনক অধিক পুষ্টি দিবলৈ আপোনাৰ প্ৰিয় মইশ্ব’ৰাইজাৰ বা ছিৰামৰ ব্যৱহাৰ কৰক। এটা কথা মনত ৰাখিব যে এই সামগ্ৰীসমূহ ব্যৱহাৰ কৰাৰ আগতে সদায় ছালখন পৰিষ্কাৰ কৰি পৰিষ্কাৰ ছালতহে ব্যৱহাৰ কৰি। যিসকলে চাউলৰ গুৰি সৌন্দৰ্য চৰ্চাত ব্যৱহাৰ নাই তেন্তে আজিৰ পৰাই ব্যৱহাৰ কৰি চাওক চোন ।
ফোনঃ ৮৬৩৮৪-৯০৪১৫
Comments are closed, but trackbacks and pingbacks are open.