তৃষ্ণা বৰফুকন
কচুলতি কণবিলাহীৰে মাছৰ আঞ্জা
উপকৰনঃ
কচুলতি-সৰু এমুঠি
মাছ-৪ টুকুৰা
সৰিয়হৰ পেষ্ট-১\২ চামুচ
কণবিলাহী-১০টা মান
আদা নহৰুৰ পেষ্ট-১\২চামুচ
পকা জলকীয়া-২ টা
মিঠাতেল-৩ চামুচ
হালধি-১\২ চামুচ
নিমখ-প্ৰয়োজন অনুসৰি
প্ৰস্তুত প্ৰণালীঃ
কচুলতি খিনি চাফা কৰি সৰু টুকুৰা কৰি লব,কণবিলাহী কৈইটাৰ গুটি উলিয়াই পেষ্ট বনাই লব।মাছ কৈইটুকুৰাত নিমখ,হালধি সানি অলপ ভাজি লব, কেৰাহীত তেল দিব তেল গৰম হলে আদা নহৰুৰ পেষ্ট দিব অলপ ভাজি জলকীয়া ফালি দি সৰিয়হৰ পেষ্ট দিব কম জুইত ভাজিব হালধি দি মিহলাই কচুলতি দি দিব নিমখ দিব কম জুইত ভাজি সামান্য পানী দিব যেতিয়াই আধা সিজা হব বিলাহীৰ পেষ্ট দিব অলপ ভাজি শুকান হৈ পৰিলে ২ কাপ গৰম পানী দিব ,তৰকাৰী উতলিলে মাছ দিব ,যেতিয়া তৰকাৰী সিজি ঘন হৈ পৰিব নমাই গৰমে গৰমে ভাতৰ লগত পৰিবেশন কৰিব।
মাটিদাইল কঠাল গুটিৰ খাৰ
উপকৰণ
মাটি দাইল-২ বাটি
কঠাল গুটি-১০টা
কলখাৰ-২ চামুচ
জলকীয়া-২ টা
আদা নহৰুৰ পেষ্ট-১\২চামুচ
মিঠাতেল-১চামুচ
মান ধনীয়া-২চামুচ (মিহিকৈ কটা)
নিমখ-প্ৰয়োজন অনুসৰি
প্ৰস্তুত প্ৰণালীঃ প্ৰথমে মাটি দাইল খিনি বাকলি গুচাই ধুই লব,কঠাল গুটি খিনি বাকলি গুচাই লব। কুকাৰত মাটি দাইল,কঠাল গুটি,খাৰ ,নিমখ দি কুকাৰৰ মুখ খন বন্ধ কৰি ২ টা হুইচেল মাৰিব দিব,পাছত দাইল খিনি ঠান্ডা হবলৈ দিব। এখন কেৰাহীত সামান্য তেল দি আদা নহৰুৰ পেষ্ট দি অলপ ভাজি বইল দাইল খিনি দি দিব যেতিয়াই উতলিব জলকীয়া ফালি দিব দাইল ঘন হৈ পৰিলে নমাই ওপৰত কটা ধনীয়া দি কেচা মিঠাতেল দিব পাছত মিহলাই গৰমে গৰমে ভাতৰ লগত পৰিবেশন কৰিব।
মোৱা মাছৰ বইল তৰকাৰী
উপকৰণ
মোৱা মাছ-২৫০গ্ৰাম
বিলাহী-২টা
আদা নহৰুৰ পেষ্ট-১\২চামুচ
কেচা জলকীয়া-১টা
নিমখ-প্ৰয়োজন অনুসৰি
নেমুৰ ৰস-সামান্য
প্ৰস্তুত প্ৰণালীঃ মাছখিনি পেটু উলিয়াই চাফা কৰি ধুই লব,বিলাহী কৈইটা গুটি উলিয়াই মিহিকৈ কাটি লব,কেৰাহীত শুকান কৈ আদা নহৰুৰ পেষ্ট খিনি ভাজি লব,তাতে বিলাহী খিনি দি শুকান হোৱালৈকে ভাজিব জলকীয়া ফালি দিব, ২ কাপ গৰম পানী দিব,পানী উতলাৰ লগে লগে মাছ দিব নিমখ দিব মাছ খিনি সিজি তৰকাৰী ঘন হৈ পৰিব তেতিয়া নেমুৰ ৰস দি ভালকৈ মিহলাই গৰমে গৰমে ভাতৰ লগত পৰিবেশন কৰিব।
ভাপত দিয়া কণীৰ তৰকাৰী
উপকৰন
কণী-৪টা
কেচা নাৰিকলৰ সৰু টুকুৰা-২চামুচ
আফু গুটি-১চামুচ
কলা সৰিয়হ-১চামুচ
মিঠাতেল-১\৫চামুচ
দৈ-২চামুচ
কেচাজলকীয়া-৩টা
নিমখ-প্ৰয়োজন অনুসৰি
প্ৰস্তুত প্ৰণালীঃ প্ৰথমে কণী কৈইটা বইল কৰি লব বাকলি এৰুৱাই লব, মিস্কি ঝাৰত নাৰিকল,সৰিয়হ,আফুগুটি,নিমখ,১টা জলকীয়া,দি অলপ পানী মিহলাই কোমল পেষ্ট বনাই লব, দৈ খিনি ফেটি লব। এটা ষ্টীলৰ টিফিনত নাৰিকল,সৰিয়হৰ পেষ্ট টো ধালি দিব দৈ খিনি দিব মিঠাতেল দি মিহলাই বইল কণীকৈইটা দি দিব প্ৰয়োজন অনুসৰি নিমখ দি কেচাজলকীয়া দি মিহলাই টিফিনৰ ধাকনি খন মাৰি দিব। এটা কুকাৰত ১ কাপ পানী দিব এটা ষ্টেন্ড বহাই দিব যেতিয়াই পানী খিনি উতলিব ষ্টেণ্ডৰ ওপৰত টিফিনটো বহাই দিব ,১৫ মিনিট সিজাব পাছত নমাই ভাতৰ লগত গৰমে গৰমে পৰিবেশন কৰিব।
ফোনঃ ৯৪৩৫০-০৪৫৪৯
Comments are closed, but trackbacks and pingbacks are open.