দৃষ্টিসদৃশ দৃষ্টিকোণ ভিন্ন

দৃষ্টিকোণ বুলিলে কোনো বস্তু, বিষয় অথবা ব্যক্তিৰ বিষয়ে চিন্তা কৰাৰ পদ্ধতি বা ধৰণকে বুজোৱা হয়।

আমাৰ দৃষ্টিকোণ ভিন্ন হোৱা বাবে একেটা বিষয়তে আমাৰ মত ভিন্ন ভিন্ন হয়। দৃষ্টিকোণ এনে এক শক্তি আছে যাৰ দ্বাৰা আমি সুখ আৰু দুখৰ অনুভৱ কৰিব পাৰোঁ।

এবাৰ এটা মন্দিৰ নিৰ্মাণৰ কাম চলি আছিল। বহুত শ্ৰমিক তাত কৰ্মত নিয়োজিত হৈ আছিল। এদিন এজন সাংবাদিক তালৈ গ’ল বাতৰি সংগ্ৰহৰ কৰিবলৈ।তাত প্ৰথম এজন শ্ৰমিকক সাংবাদিকজনে সুধিলে, ‘কাম কিমান আগবাঢ়িছে তোমাৰ ইয়াত কাম কৰি কেনেকুৱা লাগিছে..

শ্ৰমিকজনে ক’লে,শিল কঢ়িয়াই বৰ বেয়া অৱস্থা হৈছে মোৰ, ক’তো‌ কাম নাপাইহে ইয়ালৈ আহিলো।

এইবাৰ সাংবাদিকজনে আন এজন শ্ৰমিকৰ ওচৰলৈ গৈ খবৰ ল’লে। সেই জনে ক’লে, মই বহুত ভাগ্যৱান যে মই ইয়াত কাম কৰিবলৈ সুবিধা পাইছোঁ।ইয়াৰ পৰা মোৰ ঘৰ খৰছ ওলোৱাৰ লগতে ঈশ্বৰৰ সেৱাও কৰা হৈছে।এইয়াই দৃষ্টিকোণ।কাম একেটাই, কিন্তু দুখী হৈছে আৰু এজন সুখী হৈছে।

যিয়ে জীৱনত নকৰাত্মক দৃষ্টিকোণ গ্ৰহণ কৰে তেওঁলোকৰ জীৱনত সমস্যা বাঢ়িবলৈ ধৰে। জীৱনত কেতিয়াবা কোনোবা আপোনজনক নিজৰ ভুল দৃষ্টিকোণৰ বাবে হেৰুৱাব লগা হয়। এখন পুৰণি চিনেমাত দেখিছিলো কেনেকৈ স্বামীজনে নিজৰ ভুল চিন্তাধাৰাৰ বাবে সন্দেহৰ বশৱৰ্তী হৈ পত্নীৰ লগত বিচ্ছেদ হৈছিল।

আমাৰ সমাজত এনে কিছু সংখক মানুহ আছে যিয়ে আনৰ কৰ্মটোৰ সহজ নিজৰ কৰ্মটোহে টান এনেধৰণৰ চিন্তাধাৰা পোষণ কৰে।ছবি আঁকিব নজনা মানুহৰ বাবে ছৱি অকাটো সহজ কাম হ’ব পাৰে কিন্তু ছৱি অকাজনৰ বাবে সেইটো আটাইতকৈ টান কাম। আমাৰ দৃষ্টিকোণ কেনেকৈ সঠিক দিশত আগুৱাই নিব পাৰোঁ আহক আলোচনা কৰোঁ –