ঋতুকালীন ফুল আৰু বজাৰ সম্ভাৱনা

অনুপমা ডেকা

জক্ মককৈ ফুলা নানা ৰঙী। ফুলে মানুহৰ মনলৈ প্ৰশান্তি কঢ়িয়াই আনে। পূৰ্বতে গ্ৰাম্য অঞ্চলত ফুলৰ খেতি বা সন্মুখৰ চোতালত নানা ৰঙী ফুল প্ৰত্যক্ষ কৰিবলৈ পোৱা গৈছিল। কিন্ত্ত লাহে লাহে যেন নগৰ অঞ্চলত এই trend আৰম্ভ হল। এতিয়া ফ্লেট সমূহৰ সীমিত ঠাইতো ফুল গছ ৰুৱে। এই ক্ষেত্ৰত ইন্দোৰ plant অৰ্থাৎ ভিতৰত থব পৰা কিছুমান গছ, ফুল ৰ চাহিদা বৃদ্ধি পালে। নগৰীয়া অঞ্চলত মানুহে balcony ঠাই খিনি ত আটক ধুনীয়া ফুল গছ লগোৱাৰ যেন এক trend আহিলl ফুলৰ লগত  আন বহুতো আনুসংগিক কথা তথা এখন বৃহৎ বজাৰ জৰিত হৈ পৰিল। ফুলৰ প্ৰতি মানুহৰ আকৰ্ষণ থাকে।  তাৰ মাজতে ঋতু কালীন ফুলৰ কথাই সুকীয়া।  ঋতু কালীন ফুলবোৰ সৌন্দৰ্যৰ ফালৰ পৰাও একক আৰু অনন্য। এই  ঋতু কালীন ফুলবোৰে সম্প্ৰতি সমগ্ৰ বিশ্বতে এখন বৃহৎ বজাৰ দখল কৰিবলৈ সক্ষম হৈছে। আজিকালি গাঁৱে ভূৱে, চহৰে নগৰে গঢ়ি উঠা ঋতু কালীন ফুলৰ নাৰ্চাৰীবোৰৰ জৰিয়তে বহুলোকৰ সংস্থাপনৰ বাট মুকলি হৈছে। আজিকালি নগৰাঞ্চলত নিজৰ ঘৰৰ সন্মুখত যিখিনি ঠাই থাকে  তাতে ফুল ভালপোৱা লোকে নানাৰঙী ঋতুকালীন ফুল মাটি বা আন পকী তাবত বা চাদৰ ওপৰত ৰোপন কৰি অনাবিল আনন্দ লাভ কৰে।

এই ঋতুকালীন ফুলবোৰৰ আয়ুস ক’ম যদিও যি কেইদিন এই ফুলবোৰে ফুলি উঠে সেই কেইদিন সকলোৰে মনত অনাবিল আনন্দ বিলাই দিয়ে। ৰাজপথৰ মাজ ভাগটো সুন্দৰকৈ ঋতুকালীন ফুল ৰুই দিয়া  আৰু ইয়াক পৰিচৰ্যা কৰাৰ ফলত ঋতুকালীন ফুলবোৰে একক অনন্য সৌন্দৰ্যৰ পোহাৰ বিয়পাই দিয়ে। সাধাৰণতে জানুৱাৰী,ফেব্ৰুৱাৰী, মাৰ্চ মাহত এই ফুলবোৰ ৰোপন কৰা  হয়। এখন বৃহৎ বজাৰ দখল কৰা এই ফুলবোৰে কেৱল মানুহৰ ঘৰে শুৱনি নকৰে তেনে নহয় চৰকাৰী, ব্যক্তিগত অনুষ্ঠান প্ৰতিষ্ঠান আদিতো ইয়াৰ খেতি কৰা হয় তথা আলফুলে ৰোৱা এই ফুলবোৰৰ সঠিক যতন লোৱা হয় যাৰ ফলত লহপহকৈ এই ফুলগছবোৰ বাঢ়ি আহি নিজৰ সৌন্দৰ্য বিয়পাই দিবলৈ সক্ষম হয়। এই ফুলবোৰৰ ভিতৰত অন্যতম হৈছে লেভেণ্ডাৰ, মেৰী গোল্ড, বাগানভেলীয়া, বেষ্ট ইণ্ডিয়ান জেচমিন, কচমচ, ডালিয়া, জেচমিন, ডাফ’দিল, নানা ৰঙী গোলাপ, সূৰ্যমুখী,  কেলেণ্ডুলা, কৰ্ণ ফ্লাৱাৰ, জিনিয়া, স্নেপড্ৰেগন  আদি অন্যতম। এইবোৰৰ বহুখিনি নানা সুগন্ধি, প্ৰসাধন সামগ্ৰী, চাবোন আদি প্ৰস্তুত কৰাটো ব্যৱহাৰ কৰা  হয় । সেয়েহে আজিৰ প্ৰজন্মৰ বহুতে চাকৰি মুখী নহৈ আৰম্ভ কৰিছে ঋতুকালীন ফুলৰ ব্যৱসায়। বিভিন্ন নাৰ্চাৰীৰ পৰা সংগ্ৰহ কৰা এই ফুলবোৰ পুলি তথা ফুলবোৰ বিক্ৰী কৰি পুৰুষ মহিলা উভয়ে স্বাৱলম্বীতাৰ মুখ দেখিবলৈ সক্ষম হৈছে।

আনহাতে বসন্ত কালত বৰষুণ পাই সজীৱ হৈ উঠে শীতত লঠঙা হোৱা গছ-লতিকা তথা প্ৰকৃতি ৷ বিৰিখত কুঁহিপাত মেলাৰ পাচতেই  ডাল ভৰি ফুলে নানাৰঙী ফুল৷ প্ৰকৃতিৰ সাজোন-কাচোনে মন-প্ৰাণ হৰণ কৰে সকলোৰে।বসন্ত কালত সেউজীয়া অসমভূমিত চৌপাশে দেখা যায় নানা ৰঙী ফুলৰ মেলা ৷ আকাশ শুৱাই ফুলে কৃষ্ণচূড়া-ৰাধাচূড়া ৷ তাৰ মাজে মাজে জেউতি কঢ়িয়াই আনে হালধীয়া সোণাৰুৱেও ৷ এজাৰৰো জাক জাক ৷ প্ৰকৃতিৰ এই বিনন্দীয়া ৰূপে প্ৰেৰণা যোগায় কবি-গীতিকাৰক৷ নতুন সৃষ্টিৰ সম্ভাৰ লাভ কৰে তেওঁলোকে ৷ গীত-কবিতাত আমি প্ৰায়ে দেখা পাওঁ এজাৰ-কৃষ্ণচূড়া কিম্বা সোণাৰুৰ সৌন্দৰ্যৰ বৰ্ণনা ৷ সেই সময়ত আপোনাৰো মন যাব বিনন্দীয়া প্ৰকৃতিৰ ৰূপ-লাৱণ্যত বিলীন হ’বলৈ ৷  ৩৭ নং ৰাষ্ট্ৰীয় ঘাইপথৰ দুয়োকাষে তেতিয়া প্ৰাণ ভৰি ফুলে কৃষ্ণচূড়া, ৰাধাচূড়া, সোণাৰো, এজাৰ।মুঠতে নয়নাভিৰাম দৃশ্যই বিৰাজ কৰে ৩৭ নং ৰাষ্ট্ৰীয় ঘাইপথৰ দুয়োকাষ ৷ মানসিক ক্লান্তি দূৰ কৰি প্ৰকৃতিৰ এই মনোৰম দৃশ্যই প্ৰশান্তি কঢ়িয়াই মনলৈ ৷ হালি-জালি ফুলা ফুলবোৰে  হাত-বাউলি মাতে প্ৰকৃতিপ্ৰেমীক ৷ অথচ এই ফুলবোৰে এতিয়াও এখন বৃহৎ বজাৰ দখল কৰিবলৈ সক্ষম হোৱা নাই। ফুলৰ বজাৰখনৰ সিংহ ভাগেই দখল  কৰিবলৈ  সক্ষম হৈছে নানা ৰঙী ঋতুকালীন ফুলে।

আজিকালি অনলাইন ত আপোনাৰ মন পছন্দৰ ফুল ক্ৰয় কৰিব পাৰে। এইখন বজাৰৰ ত্ৰেণ্ড এতিয়া সবাটোতকৈ তুংগত। ৰং বিৰঙী সুন্দৰ টাব, মাটি আৰু এজোপা ফুলৰ বাবে যিমান প্ৰ্যুজনিয় সামগ্ৰী লাগে এই সকলোবোৰ আপুনি মাত্ৰ এটা ক্লিক্ৰটেই লাভ কৰিব। যাৰ পৰিপ্ৰেক্ষিতত ঋতুকালীন ফুল বোৰ পৰৰীসৰ্য অতি সহজ হৈ পৰিছে  এই ফুল বোৰ জীৱনৰ অভিন্ন অংগ বুলি কলেও ক’ম নহ’ব। নানা উৎসৱ পাৰ্বনতো ফুল বা ফুলৰ থোপা উপহাৰ হিচাপে দিয়া হয়। মানুহৰ জন্মৰ পৰা মৃত্যুলৈ সকলোতে ফুলৰ প্ৰয়োজন হয়। বিয়াৰ কইনাৰ খোপা শুৱনি কৰাৰ উৎসৱে পাৰ্বনে ছোৱালী, বোৱাৰীৰ খোপা শুৱনি কৰে নানা ৰঙী ফুলে। দক্ষিণ ভাৰতৰ যুৱতী, মহিলাৰ খোপা প্ৰতিদিনেই শুৱনি কৰে নানা ৰঙী ফুলে।  হিন্দু ধর্মাৱলম্বী লোকসকলৰ পূজা পাৰ্বন আদি ধৰ্মীয় কাম কাজত ফুলৰ মাত্ৰাধিক ব্যৱহাৰ কৰা হয়। ফুল মানে সৌন্দৰ্য, ফুল মানে কোমলতাৰ স্পৰ্শ, ফুল মানে একক আৰু অনন্য সৌন্দৰ্যৰ সমাহাৰ, ফুল মানে ইতিবাচক বার্তা, ফুল মানেই মনৰ প্ৰশান্তিৰ ন দুৱাৰ মুকলি কৰি নতুনক আদৰি অনা এক ন সপোনৰ মেটমৰা সম্ভাৰ।